...三年...又三年...

.....老婆今朝你問我，記唔記三年前嘅呢一刻我有幾開心，我當然記得。
可能唔係每一個細節，但係我可以話係我人生之中笑得最多最真嘅一日。結婚可能對好多人嚟講係一個恐懼，束縛，又或者係強迫，但係對我而言，係我人生之中，係最開心，最幸福。當然結婚一梗係有壓力，你要同你身邊呢個人一生一世，每朝，每晚你都會對住呢個人，每去一個地方你又要話佢知，每做一件事你又要同佢商量，不過對我嚟講，呢D全部都唔係問題，因為....老婆....我永遠都記得呢一首歌，係你教識我.....『有了你開心D ，乜都稱心滿意，鹹魚白菜也好好味，我與你永共聚，分分鐘需要你，你似是陽光空氣』......
三年後嘅今日，我同你都經歷咗好多，大家一齊成長，轉變，更加有默契，更加識得去體諒同照顧對方，最重要嘅係，我同你一齊期待同一樣野，我哋嘅BB.... 日後可能仲會有好多好多開心或者艱難嘅日子，但係我知道，總之有你同我一齊，所有野都唔會再係問題..... ^_~
Happy Anniversary!!!!

Simon ^_~

p.s I spent more than an hour on this entry !!!! LOL!!!